Yaa Bad
Yahweh wey na all we
We don dick di find ndolo
For sika say we be think say
E go gerez all ya bad
Say e go calmez all tension
And bad esprit leke na ndiba
If only we fit leave de ndolo
Fo chop wa esprit leke better damez
Or leke some cold sun
Or some faya
So dat a fit di yamooo
As e di nack ma banja
As we di try fo be better pipo
Fo di wise say, ndolo pass daso mimba ana sentiment
E pass daso thing wey we want am
E pass daso matter for gerez Ngah
Or daso matter fo nack na kanda
Di matter for akongni trong foy aa wa head dey
Fo sika say
Ndolo fit cover we leke warm balang
Then turn chuck we leke chuku chuku
E voice fit scatter wa dream
Ndolo fit lancez we king cap
Then turn daso nail we fo stick
We don chop pipo di nack kanda any place any ha
Di mimba say na ndolo
We don nyear repe and repe gerez njake leke prince|princess turn spoil am
Di mimba say na ndolo
We don see payee ndomo payee, payee kill pipo
Di mimba say na ndolo
We don see brother kill broad, sista act juda act fo sista
Daso fo palava ndolo
Why all di lose sengse
Wey love di ndaso give na love
And e di daso take na yisef
Why all di dem
Wey love no di chuck skin
And e no di take chuck skin
Why all this lose sengse
Wey love no di ask nothing
But daso for show yisef
Why all di dem
Why wa lose sengse for the ndolo matter
Di chuk we leke hunter man e spear
Na na daso tam
Tam fo we fo learn fo yaa mbot and yaa more
Fo sika ndolo , wey no man no force we
Fo sika say ndolo don catch we leke better pipo fo show we road
And make we wise say,
Number one touche fo montre say we done some man
Na fo give am all, na fo sacrifice
So today as we tok say we done some man
We no go tok say Yahweh dey wa heart
But say we dey inside papa God e heart
And we go leave am make ma ndolo no nack chest
We go leave am make ma ndolo e soft
We go leave am make ma ndolo sabi tie heart
We go leave am make di ndolo push fo try fo understand other pipo
We go leave make di ndolo push me fo nack ma skin fo make other pipo yamooo
Papa God
We don di chop metrise
For sika say we no sabi ya ndolo
We beg cam nack me caolo
How fo gerez di ndolo matter
So that even a chop metrise
Make e be na fo make other pipo fo Yamooo
Papa God
We Thank you for ya love